नायगाव तालुक्यातील घुंगराळा येथे राष्ट्रवादी काँग्रेस पक्षाचे राष्ट्रीय अध्यक्ष तथा राज्याचे उपमुख्यमंत्री अजितदादा पवार* यांच्या वाढदिवसा निमित्त 23 जुलै रोजी सकाळी 10:00 वा कृषिरत्न हायटेक नर्सरी घुंगराळा येथे शेतकरी मार्गदर्शन मेळाव्याचे आयोजन करण्यात आले असल्याची माहिती राष्ट्रवादी काँग्रेस पक्षाचे प्रदेशसरचिटणीस तथा कार्यक्रमाचे आयोजक वसंत सुगावे पाटील यांनी दिली आहे.
या मेळाव्याचे उद्घाटन आमदार प्रतापराव पा.चिखलीकर यांच्या हस्ते होणार असून या शेतकरी मेळाव्याच्या अध्यक्षस्थानी भास्करराव पा.खतगावकर हे राहणार आहेत.तसेच या मेळाव्यास शिक्षक आ.विक्रम काळे. यांची विशेष उपस्थिती राहणार आहे. या बरोबरच राष्ट्रवादी काँग्रेस पक्षाचे जिल्हाध्यक्ष शिवराज पा.होटाळकर राष्ट्रवादी काँग्रेस पक्षाचे प्रदेशउपाध्यक्षा मिनलताई खतगावकर प्रदेश उपाध्यक्ष व्यंकराव पा. गोजेगावकर प्रदेश सरचिटणीस दिलीपराव धर्माधिकारी, डॉ. विक्रम देशमुख तळेगावकर, राष्ट्रवादी काँग्रेस पक्षाचे नेते अशोक पा.मुगावकर आदी मान्यवरांची प्रमुख उपस्थिती राहणार आहे.
या शेतकरी मेळाव्यात मार्गदर्शक पंजाबराव डक हे हवामान आधारित शेती,सोयाबीन, कापूस पीक लागवड व अधिकचे पीक उत्पादन याबद्दल मार्गदर्शन करणार आहेत. तरी या शेतकरी मेळाव्यास नांदेड जिल्ह्यातील, नायगाव तालुक्यातील शेतकरी बांधवांनी मोठ्या संख्येने उपस्थित राहावे असे आवाहन राष्ट्रवादी काँग्रेस पक्षाचे प्रदेशसरचिटणीस तथा शेतकरी मेळाव्याचे संयोजक वसंत सुगावे पाटील यांनी केले आहे.
