घरकुलधारकाच्या प्रलंबित हप्त्यासाठी काँग्रेसचे आंदोलन!.

माहूर काँग्रेस पक्षाचे तालुका अध्यक्ष आनंद गंगाधरराव पाटील तुपदाळे व माहूर नगरपंचायतच्या माजी उपनगराध्यक्षा सौ. अश्विनी आनंद पाटील तुपदाळे यांच्या मार्गदर्शनाखाली आज माहूर शहरातील पंतप्रधान घरकुल आवास योजनेतील थकीत असलेल्या रक्कमेच्या संदर्भात माहूर नगरपंचायतचे सहायक मुख्याधिकारी संदीप गझलवाड साहेब व नगरपंचायत चे अभियंता विशाल ढोरे साहेब यांच्याशी शहरातील शोकडो घरकुल लाभार्थ्यांच्यां उपस्थित विचारणा करण्यात आली. तसेच पंतप्रधान घरकुल बेघरासाठी माहूर शहरात आय टी या कॉलेज जवळ म्हाडाचे आरक्षण पडले असुन शासनाकडे तात्काळ निधीची मागणी करण्यात यावी व बेघरासाठी म्हाडाच्या इमारतीचे काम सुरू करण्यात यावे यासाठी माहूर नगरपंचायत कडे विनंती करण्यात आली.

यावेळी युवक काँग्रेसचे ता.अध्यक्ष सचिन बेहेरे, युवक काँग्रेसचे शहर अध्यक्ष सलमान काजी,काँग्रेस नेते तथा पत्रकार अंबादास मुकटे,पत्रकार गोपाळ चव्हाण, पत्रकार शंकर भालेराव,काँग्रेस नेते शेख सादिक, काँग्रेस नेते शरीफ शेख, मनोज जाधव,सैय्यय मन्नान, सुदाम पवार यांच्यासह माहूर शहरातील लाभार्थी मोठ्या प्रमाणात उपस्थित होते..