नायगाव तालुक्यातील मांजरम येथील ज्येष्ठ नागरिक, विठ्ठलभक्त, धार्मिक व सेवाभावी व्यक्तिमत्त्व तसेच मोठ्या एकत्रित कुटुंबाचा आधारवड म्हणून परिचित असलेले गणपतराव मारोती पाटील शिंदे यांचे शुक्रवार, दि. १७ जुलै २०२६ रोजी वृद्धापकाळाने दुःखद निधन झाले. त्यांच्या निधनाने मांजरम गावासह परिसरात शोककळा पसरली असून सर्व स्तरांतून हळहळ व्यक्त होत आहे.गणपतराव शिंदे यांनी आयुष्यभर प्रामाणिकपणा, साधेपणा, कष्ट आणि धार्मिक जीवनमूल्ये जपत समाजात आपला वेगळा ठसा उमटविला. विठ्ठलभक्त म्हणून त्यांची ओळख होती. गावातील धार्मिक, सामाजिक आणि कौटुंबिक कार्यात ते नेहमीच सक्रिय सहभाग घेत असत. शांत, संयमी आणि सर्वांना आपलेसे करणारा त्यांचा स्वभाव असल्याने गावातील सर्वच वयोगटातील नागरिक त्यांचा आदर करीत होते.मोठ्या कुटुंबाचे प्रमुख म्हणून त्यांनी कुटुंबाला एकत्र ठेवण्याचे मोलाचे कार्य केले. त्यांच्या मार्गदर्शनामुळे अनेक पिढ्यांना संस्कार, शिस्त आणि सामाजिक बांधिलकीची शिकवण मिळाली. त्यांच्या निधनाने शिंदे परिवारावर दुःखाचा डोंगर कोसळला असून परिसरातील नागरिकांनीही एक प्रेमळ ज्येष्ठ व्यक्तिमत्त्व गमावल्याची भावना व्यक्त केली आहे.त्यांच्या पश्चात सहा मुले, एक मुलगी, सुना, नातवंडे, पणतवंडे असा मोठा परिवार आहे.
आज दुपारी अंत्यसंस्कारस्व. गणपतराव मारोती पाटील शिंदे यांच्या पार्थिवावर शनिवार, दि. १८ जुलै २०२६ रोजी दुपारी ३.०० वाजता मांजरम (ता. नायगाव) येथे शोकाकुल वातावरणात अंत्यसंस्कार करण्यात येणार आहेत.चौकटभावपूर्ण श्रद्धांजली”साधेपणा, प्रामाणिकपणा, विठ्ठलभक्ती आणि कुटुंबवत्सल जीवन जगत अनेकांच्या मनात स्थान निर्माण करणारे गणपतराव मारोती पाटील शिंदे यांच्या पवित्र स्मृतीस बाळासाहेब पांडे व पांडे परिवार मांजरमकर यांची अंतःकरण पूर्वकभावपूर्ण श्रद्धांजली.”आहे
